بھارتی اداکارہ مادھوری ڈکشٹ نے اپنی پہلی ویب سیریز دی فیم گیم کی ریلیز کی تاریخ کا اعلان کر دیا۔

اداکارہ کی جانب سے فوٹو اینڈ ویڈیو شیئرنگ ویب سائٹ انسٹاگرام پر ویب سیریز دی فیم گیم کا پوسٹر شیئر کیا گیا ہے۔

اداکارہ نے بتایا کہ دی فیم گیم اسٹریمنگ سروس نیٹ فلکس پر 25 فروری کو ریلیز ہوگی۔

مادھوری ڈکشٹ نے اس پوسٹر کو شیئر کرتے ہوئے لکھا کہ اجنبی سی ہے اس کی دنیا اوراَن کہی سی ہے اس کی کہانی۔

اُنہوں نے لکھا کہ اب وہ دنیا کے سامنے اپنی کہانی کے ساتھ آ رہی ہے۔

یہ سیریز کرشمہ کوہلی کی ہدایت کاری میں بنی ہے جس میں مادھوری کے علاوہ سنجے کپور، مانوکول، لکشویر سرن، سوہاسنی مولے اور مسکان جعفری جیسے اداکار بھی نظر آئیں گے۔