بحرینی ولی عہد کا وزیراعظم عمران خان سے ٹیلیفونک رابطہ ہوا جس میں دونوں رہنماؤں نے باہمی دلچسپی کے علاقائی اور عالمی امور پر قریبی رابطہ کاری کے طریقوں پر تبادلہ خیال کیا۔

ٹیلیفونک رابطے کے دوران دونوں رہنماؤں نے دوطرفہ تعلقات کو مزید مضبوط اور متنوع بنانے اور کثیرالجہتی فورمز میں تعاون بڑھانے پر اتفاق کیا۔

اس موقع پر بحرینی ولی عہد نے پاکستان کے عوام، قیادت اور حکومت کے ساتھ یکجہتی کا اظہار کیا۔

 بحرینی ولی عہد نے لاہور میں ہونے والے دہشت گردانہ حملے کی شدید مذمت کی جبکہ بحرینی ولی عہد نے سوگوار خاندانوں سے دلی تعزیت اور زخمیوں کی جلد صحت یابی کی بھی دعا کی۔

 ٹیلیفونک رابطے کے دوران وزیراعظم عمران خان نے بحرین کی حمایت اور یکجہتی کے ساتھ ساتھ ہمدردی اور تعزیت پر ولی عہد کا شکریہ ادا کیا جبکہ وزیراعظم عمران خان نے دہشت گردی کی تمام شکلوں اور مظاہر میں لڑنے کے لیے پاکستان کے پختہ عزم کا بھی اعادہ کیا۔