صوبائی دارالاحکومت لاہور میں معصوم بچوں کے اغواء کا سلسلہ تاحال جاری ہے۔

تفصیلات کے مطابق آج داتا دربار سے تین ماہ کی بچی کو اغواء کرلیا گیا ہے۔

پولیس کا کہنا ہے کہ  بچی کے اغواء کا مقدمہ درج کر کے تفتیش کا آغاز کردیا گیا ہے۔

خاندانی ذرائع کے مطابق اغواء ہونے والی بچی تحریم نامی خاتون کے ساتھ داتا دربار آئی تھی، جہاں سے اسکو نامعلوم شخص نے اغواء کیا۔

یاد رہے کہ کچھ دن قبل بھی مظفر گڑھ میں پولیس نے 6 ماہ کی عمر میں اغواء ہونے والا بچہ ایک سال بعد ماں سے ملا دیا تھا۔

تھانہ قریشی کی حدود میں 6 ماہ کے شیر خوارمعصوم بچے کو اس کے اپنے ہی دادا اور چاچا نے اغواء کرلیا تھا۔

پولیس کا کہنا تھا کہ  ملزمان 6 ماہ سے جگہ بدل کر لاہور،روالپنڈی  اور لیہ ملتان میں رہ رہے تھے، پولیس نے دن رات محنت کر کے ملزم مشتاق کو گرفتار کر کے شیر خوار بچہ بازیاب کروایا۔