Advertisement

ثانیہ نشتر کا اسلام آباد کے سیکٹر جی6 میں یوٹیلٹی اسٹور کا دورہ

ثانیہ نشتر

وزیراعظم کی معاون خصوصی برائے سماجی تحفظ ڈاکٹر ثانیہ نشتر نے اسلام آباد کے سیکٹر جی6 میں یوٹیلٹی اسٹور کا دورہ کیا ، دورے کا مقصد احساس راشن سبسڈی کی ترسیل کیلیئے سسٹم انٹگریشن کی کارکردگی کو ٹیسٹ کرنا تھا۔

اس موقع پر ڈاکٹر ثانیہ نے یوٹیلٹی اسٹور پراحساس راشن کے چند اہل صارفین سے بھی ملاقات کی۔

ان کا کہنا تھا کہ احساس راشن رعایت کیلئے یوٹیلٹی اسٹورز، نیشنل بینک اوراحساس کے مابین سسٹم کی انٹگریشن مکمل ہو چکی ہے، اس کامیابی پر میں یوٹلٹی اسٹورز، نیشنل بینک اور احساس کی ٹیموں کو مبارکباد پیش کرتی ہوں۔

وزیراعظم کی معاون خصوصی برائے سماجی تحفظ ڈاکٹر ثانیہ نشترنے مزید کہا کہ احساس راشن کے تحت گھرانوں اور کریانہ دکانداروں کی رجسٹریشن ملک میں جاری ہے، جلد ہی راشن سبسڈی کی ترسیل نیشنل بینک سے منظورشدہ کریانہ اسٹورز اور یوٹیلٹی اسٹورز کے ذریعے جاری کر دی جائے گی۔

اس موقع پر مینیجنگ ڈائریکٹر یوٹیلٹی سٹورز، ایڈیشنل سیکرٹری سماجی تحفظ ڈویژن اور نیشنل بینک کے اعلیٰ افسران نے بھی شرکت کی۔

Advertisement

وااضح رہے کہ اس سے قبل تخفیف غربت اور نوجوان نسل کیلئے روزگار کے مواقع کے حوالے سے ایک ورکشاپ منعقد کی گئی جس میں ڈاکٹر ثانیہ نشتر نے شرکت کی تھی ورکشاپ کا انعقاد آغاخان رورل سپورٹ پروگرام، حکومت گلگت بلتستان اور یورپی یونین کے تعاون سے کیا گیا تھا۔

انہوں نے کہا تھا کہ احساس کی چھتری تلے گلگت بلتستان کیلئے بہت سےسماجی تحفظ کے پروگرام جاری ہیں جبکہ احساس کفالت اور احساس تعلیمی وظائف گلگت بلتستان کی تمام تحصیلوں میں جاری ہیں۔

ڈاکٹر ثانیہ نشتر نے کہا تھا کہ احساس راشن کیلئے بھی گلگت بلتستان کی تمام تحصیلوں میں گھرانوں، کریانہ دکانداروں کی رجسٹریشن جاری ہے۔

ان کا کہنا تھا کہ گلگت بلتستان کی سرکاری یونیورسٹیوں میں احساس انڈرگریجویٹ سکالرشپ پروگرام جاری ہے جبکہ صوبے میں چھوٹے پیمانے کے کاروبار کے فروغ کیلئے احساس بلاسود قرض پروگرام بھی چل رہا ہے۔

وزیراعظم کی معاون خصوصی برائے سماجی تحفظ ڈاکٹر ثانیہ نشتر کا مزید کہنا تھا کہ فی الوقت  دیامر، استور،  کھرمنگ میں8 احساس نشوونما مراکز فعال ہیں، احساس نشوونما اور ون ونڈو احساس مراکز کو گلگت بلتستان کی تمام تحصیلوں تک پھیلایا جائےگا۔

Advertisement
Advertisement
مزید پڑھیں

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
اختتام
مزید پڑھیں
آج کی بول نیوز
سعودی عرب نے ابراہم اکارڈ میں شامل ہونے پر رضامندی ظاہر کردی، ٹرمپ کا دعویٰ
دوحہ مذاکرات : افغان طالبان کی درخواست پر عارضی جنگ بندی میں توسیع
انتشار نہیں امن و استحکام، عوام نے فیصلہ سنا دیا، شرپسندوں کی ہڑتال مکمل ناکام
پاکستان حق دفاع محفوظ رکھتا ہے،اس کیلئے کسی کی اجازت کی ضرورت نہیں ، ترجمان دفتر خارجہ
وزیراعظم کی زیرصدارت اہم اجلاس؛ غیر قانونی افغان پناہ گزینوں کو فوری واپس بھیجنے کا فیصلہ
اسلام آباد،راولپنڈی، پشاور سمیت ملک کے مختلف علاقوں میں زلزلے کے جھٹکے
Advertisement
Next Article
Exit mobile version