سال کے پہلے گرینڈ سلم ٹینس ٹورنامنٹ آسٹریلین اوپن میں اپ سیٹ کا سلسلہ جاری ہے ، میڈیسن کیز نے عالمی نمبر 4 کو شکست دے کر سیمی فائنل کے لئے کوالیفائی کر لیاْ۔

امریکی خاتون ٹینس کھلاڑی میڈیسن کیز نے کوارٹر فائنل میں فرنچ اوپن فاتح باربرا کو 3-6 ، 2-6 اسٹریٹ سیٹ میں شکست دے کر ایونٹ کا بڑا اپ سیٹ کر دیا۔

عالمی نمبر 4 باربرا میچ کے دوران شدید گرمی سے نڈھال نظر آئیں ، انہوں نے پہلے سیٹ کے دوران طبی امداد بھی لی۔

میڈیسن کیز نے کھیل کے آغاز سے ہی جارحانہ انداز اپنایا اور ایک لمحے کے لئے بھی محسوس نہیں ہونے دیا کہ وہ کسی بڑے ٹورنامنٹ کا کوارٹر فائنل پہلی مرتبہ کھیل رہی ہیں۔

سابق یو ایس اوپن کی فائنلسٹ اور 27 ٹائٹلز کی فاتح باربرا کریجکیکوا کو میڈیسن کیز نے ایک گھنٹہ اور 27 منٹ میں گھر کی راہ دکھائی۔

میڈیسن کیز نے مسلسل 11 میچوں میں کامیابی حاصل کی ہیں جو ایک شاندار ریکارڈ ہے۔

سیمی فائنل میں میڈیسن کا مقابلہ ایشلیگ بارٹی اور جیسیکا پیگولا کے مابین ہونے والے کوارٹر فائنل کی فاتح سے ہو گا۔