وزیراعظم  کا کہنا ہےکہ ملک میں غریب ٹھوکریں کھاتارہا اور امیر الگ نظام سے فائدہ ا ٹھاتارہا۔

وزیرِ اعظم عمران خان نے اسلام آباد میں ’نیا پاکستان قومی صحت کارڈ‘ کا اجرا کردیا، افتتا حی تقریب سے خطاب کرتے ہوئے انہوں نے کہاکہ ساڑھے 4 ارب روپے ہیلتھ کارڈ پر لگائے جارہے ہیں۔

وزیرِ اعظم نے کہاکہ باہرعلاج کیلئےجانےوالوں کوکیامعلوم عوام پرکیاگزررہی ہے، پورا خاندان  باہر بیٹھا ہے،سب علاج کیلئےباہرجاتےہیں۔

انہوں نے کہاکہ پچھلا وزیراعلیٰ پنجاب ٹوپیاں اور بوٹ پہن کر گھومتا تھا،انہیں کھانسی ہوتی تھی توعلاج کیلئےباہرچلےجاتےتھے۔

عمران خان نے کہاکہ عثمان بزدار کےخلاف پروپیگنڈاکیاگیا،عثمان بزدارسروے میں چاروں وزرائے اعلیٰ میں پہلےنمبرپرآئے،عثمان بزدارپنجاب کےسب سے پسماندہ علاقےسےتعلق رکھتے ہیں،انہیں معلوم ہےکوئی بیمارہوجائےتوکیاتکلیف ہوتی ہے۔

وزیراعظم عمران خان نے کہاکہ بیرون ملک علاج کروانےوالوں کوعوام کی فکرہی نہیں ،ہم نےکبھی فلاحی ریاست کی کوشش ہی نہیں کی، امیرکیلئےالگ اورغریب کیلئےالگ قانون ہے۔

انہوں نے کہاکہ مدینہ کی فلاحی ریاست میں کمزورطبقےکی ذمہ داری لی گئی،  مدینہ کی فلاحی ریاست  میں پیسہ نچلی سطح پرجاتاتھا، مدینہ کی فلاحی ریاست میں قانون کی حکمرانی تھی۔

وزیراعظم نے کہاکہ شوکت خانم بنانےکاسوچاتوکہاگیا 3 ماہ میں اسپتال بندہوجائےگا، شوکت خانم میں غریبوں کےعلاج پر10 ارب خرچ ہوتاہے۔

ان کا کہنا تھا کہ پاکستان میں امیراورغریب کوعلاج کی سہولت فراہم کررہےہیں، پاکستان کوصحیح معنوں میں اسلامی فلاحی ریاست بناناچاہتےہیں، پاکستان جس مقصد کیلئے بنا اس کا کسی نے سوچا ہی  نہیں تھا، کسی نےکہاایشین ٹائیگربنادیں گے، پاکستان ایک مقصد کیلئےبناتھا۔

عمران خان نے کہا کہ میانوالی سےلوگ علاج کیلئےاسلام آباد آتے تھے، ضلعی سطح پر سرکاری اسپتالوں میں ڈاکٹرزنہیں تھے، سسٹم ایلیٹ کیلئےبن چکا، پیسے ہو نگے تو علاج ہوگا،غریب سرکاری اسپتال اورامیرنجی اسپتالوں میں علاج کراتےتھے، سرکاری اسپتال آہستہ آہستہ تباہ ہوتےہوئےدیکھے۔

وزیراعظم نے کہاکہ برطانیہ کے ہیلتھ سسٹم کوسب سےاچھا سمجھاجاتاہے، برطانیہ میں کوئی بھی شخص سرکاری اسپتال میں مفت علاج کراسکتاہے، صحت کارڈ سےنجی اسپتالوں میں بھی مفت علاج کراسکتےہیں۔

عمران خان نے مزید کہاکہ صحت کارڈ سے ہرخاندان 10 لاکھ تک کامفت علاج کرا سکتا ہے، صحت  کارڈ پروفاقی اورصوبائی حکومتوں نےبہت بڑاقدم اٹھایا۔