ملک کے بیشتر شہروں میں آج موسم سرد اورخشک رہے گا۔

محکمہ موسیات کے مطابق آج اسلام آباد میں موسم سرداور مطلع جزوی ابرآلود رہنے کے علاوہ ہلکی بارش کی بھی توقع ہے۔

اسلام آباد میں کم سے کم درجہ حرارت 5 ڈگری سینٹی گریڈ تک رہنے کا امکان ہے جبکہ ہوا میں نمی کا تناسب 43 فیصد تک رہنے کا امکان ہے۔

بلوچستان کا موسم

 بلوچستان کے بیشتراضلاع میں موسم خشک اور سرد جبکہ شمالی بلوچستان میں شدید سرد رہے گا۔

محکمہ موسیات کے مطابق کوئٹہ میں کم سے کم درجہ حرارت صفر ڈگری سینٹی گریڈ ریکارڈ کیا گیا جبکہ زیارت میں کم سے کم درجہ حرارت منفی05 ڈگری سینٹی گریڈ کیا گیا۔

اس کے علاوہ قلات میں کم سے کم درجہ حرارت منفی ایک ڈگری سینٹی گریڈ کیا گیا جبکہ نوکنڈی میں 09ڈگری سینٹی گریڈ ریکارڈ کیا گیا۔

بلوچستان کے ساحلی علاقے گوادر میں کم سے کم درجہ حرارت15 ڈگری سینٹی گریڈ ریکارڈ کیا گیا۔

ملتان وگردونواح کا موسم

ملتان اور گردونواح میں آج موسم سرد اور خشک رہے گا۔

ملتان میں آج زیادہ سے زیادہ درجہ حرارت 25ڈگری سینٹی گریڈ تک جانے کا امکان ہے جبکہ کم سے کم درجہ حرارت 10 ڈگری سینٹی گریڈ تک رہنے کا امکان ہے۔

محکمہ موسمیات نے بتایا کہ آج ہوا میں نمی کا تناسب 87فیصد ریکارڈ کیا گیا۔

پنجاب کا موسم

صوبہ پنجاب کے بیشتراضلاع میں موسم سرد اور خشک اور بالائی پنجاب میں مطلع جزوی ابر آلود رہے گا۔

اس کے علاوہ صبح کے اوقات میں سیالکوٹ، لاہور، نارووال، گوجرانوالہ، سرگودھا اور گرد ونواح میں دھند پڑنے کا امکان ہے۔

خیبرپختونخوا کا موسم

خیبرپختونخوا کے بیشتر بالائی اضلاع میں مطلع ابر آلود رہے گا۔

اس کے علاوہ چترال، دیر، سوات، مالاکنڈ، کالام، کوہستان، بونیر، شانگلہ ،ایبٹ آباد اور مانسہرہ میں تیز ہواؤں اور گرج چمک کے ساتھ ہلکی سے درمیانی بارش اور پہاڑوں پر برفباری کا امکان ہے۔