ایئرپورٹس سیکیورٹی فورس نے پشاور ایئرپورٹ پر کارروائی کی ہے جس کے نیتجے میں 70,000 سعودی ریال برآمد ہوئے ہیں۔

ترجمان اے ایس ایف کا کہنا ہے کہ اے ایس ایف کے عملے نے دبئی جانے والے مسافر سے 70,000 سعودی ریال، 4024 یو اے آئی درہم اور 19300 پاکستانی روپے بر آمد کر لئے ہیں۔

ترجمان اے ایس ایف کے مطابق مسافر عامر سہیل نے ریال جوتوں میں اور باقی کرنسی جیبوں میں مہارت سے چھپا رکھی تھی، اے ایس ایف کے عملے نے منی لانڈرنگ کی کوششں ناکام بنا دی۔

ترجمان اے ایس ایف نے بتایا کہ ملزم کو ابتدائی تفتیش کے بعد برآمد شدہ رقم سمیت مزید کارروائی کے لئے ایف آئی اے کے حوالے کر دیا گیا۔

واضح رہے کہ کرنسی کی مالیت مقامی کرنسی میں 35 لاکھ روپے سے زائد بنتی ہے۔