وزیراعظم کا کہنا ہےکہ میں ہمیشہ مذاکرات اور سفارت کاری کے ذریعے تنازعات کے حل پر یقین رکھتا ہوں۔

وزیراعظم عمران خان نے سماجی را بطے کی ویب سائٹ ٹوئٹر پر جاری اپنی ٹوئٹ میں آج کے دن کی مناسبت سے بات کرتے ہوئے کہاکہ مذاکرات اور سفارت کاری کوکبھی بھی کمزوری کی علامت نہیں سمجھنا چاہیے، جیسا کہ ہم نے 27 فروری 2019 کو بھارت کو دکھایا، جب اس نے ہم پر حملہ کرنے کا انتخاب کیا۔

وزیراعظم نے کہاکہ قوم کی حمایت یافتہ ہماری مسلح افواج ہر سطح پر جارحیت کا جواب دیں گی اور غالب آئیں گی۔

ان کا اپنی ٹوئٹ میں مزید کہنا ہےکہ ہم اپنے ملک اور اپنی قوم کی سلامتی کے لیے پرعزم ہیں۔

Advertisement

We are resolute & unwavering in our commitment to the security of our country and our nation.

— Imran Khan (@ImranKhanPTI) February 27, 2022

پاک افواج نے 27 فروری کو بھارتی جارحیت کا منہ توڑ جواب دیا، ڈی جی آئی ایس پی آر

ڈی جی آئی ایس پی آر میجر جنرل بابر افتخار نے کہا ہے کہ آج کے دن پاکستان کی مسلح افواج نے ناکام بھارتی مہم جوئی کا منہ توڑ جواب دیا۔

پاک فوج کے شعبہ تعلقات عامہ (آئی ایس پی آر) کے مطابق ڈی جی آئی ایس پی آر میجر جنرل بابر افتخار نے آج کے دن کی مناسبت سے شئیر کیے گئے اپنے پیغام میں کہاکہ آج 27 فروری کو ہم آپریشن ’سوئفٹ ریٹارٹ‘ کی تیسری سالگرہ منا رہے ہیں۔

…by Pak Army are testament to professionalism & determination of Pakistan Armed Forces for defence of motherland. Not just weapons or numbers but resolve of a nation & operational preparedness of Armed Forces defines success in face of adversity. Pakistan Zindabad (2/2)

— DG ISPR (@OfficialDGISPR) February 27, 2022

 آئی ایس پی آر کے مطابق پاکستان کی مسلح افواج نے پیشہ وارانہ عزم کا مظاہرہ کیا۔ پاک فضائیہ نے دو بھارتی جنگی جہاز مار گرائے۔ پاک بحریہ نے سمندر میں بھارتی آبدوز کا سراغ لگایا۔ پاک فوج نے لائن آف کنٹرول پر زوردار جواب دیا۔