کینیڈا نے روس کے 15 سالہ فگر اسکیٹر کو ونٹر اولمپکس میں شرکت کی اجازت دینے پر سخت مایوسی کا اظہار کیا ہے۔

روس کے فگر اسکیٹر کمیلا ویلیوا پر مبینہ طور پر ممنوعہ ادویات استعمال کرنے پر اینٹی ڈوپ کیس میں پابندی عائد تھی، جسے کورٹ آف آربٹریشن فار اسپورٹس نے معطل کر کے انہیں ونٹر اولمپکس میں شرکت کی اجازت دی ہے۔

روس کے ویلیوا کی آمد کے بعد روس کی ٹیم نے بیجنگ سرمائی اولمپکس میں کامیابی حاصل کی تھی اور کینیڈا کی ٹیم چوتھے نمبر پر آئی تھی۔

کینیڈا کی اولمپک کمیٹی کے ترجمان نے اپنے بیان میں کہا کہ روسی ایتھیلیٹ کے ڈوپنگ کیس کے حوالے جو صورتحال سامنے آئی ہے وہ کھلاڑیوں کے لئے انتہائی بدقسمتی اور افسوسناک ہے۔

کینیڈا اولمپک کمیٹی کے ترجمان کے مطابق مصنوعی طور پر طاقت بڑھانے والے ایتھیلیٹ کا کس طرح صحت مند اور قدرتی صلاحیت کے حامل ایتھیلیٹس کے موازنہ کیا جا سکتا ہے۔

ترجمان نے مزید کہا کہ ہم صاف ستھرے کھیل کے پوری طرح پرعزم ہیں اور کھیلوں کو ڈوپنگ یا دیگر بدعنوان طریقوں سے داغدار کرنے والوں کی کبھی بھی حمایت نہیں کریں گے۔

کینیڈین اولمپک کمیٹی نے مزید کہا کہ روسی ایتھیلیٹ کی میدان میں واپسی پر شدید مایوسی ہوئی ہے۔