عامر لیاقت حسین کی تیسری شادی کے ہر طرف چرچے تو ہیں، لیکن اب پاکستان کے عوام اس خبر سے اکتا چکے ہیں۔

جب عامر لیاقت کی تیسری شادی کی خبریں منظر عام پر آئیں تو عوام اس ٹینشن میں گھلنے لگے کہ بھلا ان کی تیسری اہلیہ ہو کون سکتی ہیں۔

لیکن جب یہ عقدہ بھی کھل گیا تو اب ہماری عوام کو شادی کے بعد کے معاملات میں دلچسپی ہے۔

عوام اب پوچھ رہے ہیں کہ ولیمہ کب ہے؟ اور شادی کے بعد عامر لیاقت نئی نویلی دلہن کو ہنی مون پر کہاں لے کر جانے والے ہیں۔

اس سوال کا جواب عامر لیاقت کی اہلیہ دانیہ شاہ  نے معروف کامیڈین، پرینکسٹر اور یوٹیوبر نادر علی کے پوڈکاسٹ میں دیا ہے۔

دانیہ نے کہا کہ عامر لیاقت انہیں ہنی مون پر تھائی لینڈ لے کر جا رہے ہیں۔

دانیہ کے انکشاف پر عامر لیاقت نے بتایا کہ وہ اپنی سابقہ بیویوں کو بھی ہنی مون پر تھائی لینڈ ہی لے کر گئے تھے، انہیں تھائی لینڈ بہت پسند ہے، اس لئے اس بار بھی وہ تھائی لینڈ ہی جا رہے ہیں۔

عامر لیاقت سے جب سوال کیا گیا کہ کی یہ آپ کی آخری شادی ہوگی؟

تو اس پر ان کا کہنا تھا کہ اگر عمر کو دیکھا جائے تو یہ میری آخری شادی ہے۔ کیونکہ میں نے روضہ رسولﷺ پر دعا کی تھی میری عمر نبی کریم ﷺ سے زیادہ نہ ہو۔

انہوں نے کہا کہ اب کیونکہ عمر قریب ہے تو ممکن ہے یہ میری آخری شادی ہو۔