تُرک سیریز ’ارطغرل غازی‘ میں حلیمہ سلطان کا کردار نبھانے والی تُرک اداکارہ اسرا بیلگیچ کی نئی فلم’ادانیش کتسال کاوگا‘ کی ریلیز کی تاریخ کا اعلان ہوگیا۔

اداکارہ اسرا بیلگیچ نے اپنی انسٹا اسٹوری پر فلم کا ٹریلراور پوسٹر شیئر کیا ہے۔

 فلم کے ٹریلر میں ایکشن سے بھرپور مناظر دیکھے جاسکتے ہیں۔

اس کی کہانی ایک ایسے گروہ کے گرد گھومتی ہےجو ایک اہم راز کی حفاظت کے لیے منظم کیا گیا تھا جسے ترکوں نے استنبول فتح کرنے کے بعد حاصل کیا تھا۔

یہ گروہ اس راز کو حاصل کرنے کی جدوجہد کرنے والی تاریک قوتوں کے خلاف سخت جنگ کا سامنا کرتا ہے۔

اداکارہ نے فلم کا ٹریلر شیئر کرتے ہوئے لکھا کہ فلم (ادانیش کتسال کاوگا)یعنی سیکریڈ فائٹ آف ڈیوشن، جو2019 میں شوٹ کی گئی تھی اور کورونا وباء کی وجہ سے تاخیر کا شکار ہوگئی تھی اب 11 مارچ کو سینما گھروں میں ریلیز کی جائے گی‘۔