بھارت اور سری لنکا کے درمیان جاری ٹی ٹوئنٹی سیریز کے دوسرے میچ میں بھارت نے  7 وکٹوں سے شکست دے دی ہے۔

تفصیلات کے مطابق دھرمشالہ میں کھیلے گئے اس میچ میں بھارت نے ٹاس جیت کر پہلے بولنگ کا فیصلہ کیا۔

سری لنکا نے پہلے کھیلتے ہوئےمقررہ 20 اوررز میں  5 وکٹوں کے نقصان پر 183 رنز بنائے۔

سری لنکا کی جانب سے پاتھم نسنکا نے 75 رنز کی جارحانہ اننگ کھیلی،کپتان ڈوسن شناکا47 رنز بناکر ناقابل شکدت رہے،گناتھیلاکا نے 38 رنز بنائے جبکہ دنیش چندیمل نے 9 رنز بنائے۔

بھارت کی جانب سے بھونیشور کمار،بمراہ،ہرشل پٹیل،چاہل اور رویندر جڈیجہ نے 1،1 وکٹ حاصل کی۔

سری لنکا کی جانب سے دیا گیا 184 رنز کا ہدف بھارت نے اٹھارویں اوور میں 3 وکٹوں کے نقصان پر حاصل کر لیا۔

بھارت کی جانب سے شیریاس ایئر نے ناقابل شکست 74 رنز کی اننگ کھیلی،روینر جڈیجہ نے بھی 45 رنز کی ناقال شکست اننگ کھیلی، سنجو سیمسن نے 39 رنزکی اننگ کھیلی جبکہ کپتان روہیت شرما صرف 1 رنز بنا سکے۔

سری لنکا کی جانب سے لاہیرو کمارا نے 2 کھلاڑیوں کو پویلین روانہ کیا جبکہ چمیرا نے 1 وکٹ حاصل کی۔

واضح رہے کہ بھارت کو سری لنکا کے خلاف ٹی ٹوئنٹی سیریز میں 0-2 کی برتری حاصل ہے۔