سراج الحق نے کہا کہ پیپلزپارٹی اور ن لیگ میں مفادات کی لڑائی ہے۔

امیر جماعت اسلامی سراج الحق نے میڈیا سے گفتگو کرتے ہوئے کہا کہ پوری قوم سود کے گناہ میں پھنسی ہوئی ہے جبکہ ہم ورلڈ بینک اور آئی ایم ایف کے غلام بنے ہوئے ہیں۔

انہوں نے کہا کہ میں پانامہ لیکس کیس میں ایک سو گیارہ دن عدالت میں گیا، چیف جسٹس نے ایک روز بھی بسم اللہ سے آغاز نہیں کیا۔

امیر جماعت اسلامی کا کہنا تھا کہ ملکی سیاست دین سے دور ہے تو ہم آزاد قوم نہیں۔

سراج الحق کا یہ بھی کہنا تھا کہ کرپٹ لوگوں کا ساتھ دے کر قیامت کے روز بخشش نہیں ہو گی۔

انہوں نے کہا کہ ملک میں اٹھائیس قسم کے تعلیمی نظام ہیں، ہم سودی نظام ختم کر کے اسلامی نظام نافذ کریں گے ۔

سراج الحق نے کہا کہ امریکہ، برطانیہ اور فرانس نے زیر تسلط آبادیوں کو لوٹا، پیپلزپارٹی اور ن لیگ میں مفادات کی لڑائی ہے۔

امیر جماعت اسلامی سراج الحق کا مزید کہنا تھا کہ کرپٹ لوگوں کی وجہ سے ملک مقروض ہے جبکہ ان حکمرانوں کی وجہ سے ملک میں غربت بڑھ رہی ہے۔