متحدہ عرب امارات ہمیشہ تعمیرات میں عالمی ریکارڈ قائم کرتے رہتے ہیں لیکن اب انہوں نے ایک ریگستان میں دنیا کی سب سے بڑی تصویر بنائی ہے جو امارات کا مکمل نقشہ ہے جس کے ساتھ حکمرانوں کی تصاویر بھی کاڑھی گئی ہیں۔

اسے حال ہی میں گنیز بک آف ورلڈ ریکارڈ سےنوازا گیا ہے۔ ریاست کے نقشے کے ساتھ ہی سب سے اہم پورٹریٹ شیخ زائد بن سلطان النہیان کی تصویر ہے جنہیں متفقہ طورپر یو اے ای کا بانی اور قائد قرار دیا جاتا ہے۔

اسے ریت پر مصوری کا سب سے بڑا شاہکار قرار دیا گیا جس کا مجموعی رقبہ 250450 مربع فٹ ہے۔ ابوظہبی اسپورٹس ایوی ایشن کلب کے ممتاز فنکار ناتھیانل ایلاپائڈ نے اسے ریت پر بنایا ہے۔ اپنی اسی کیفیت کی بنا پر اسے بلندی سے دیکھا جائے تب ہی یہ پورا منظر سمجھ میں آتا ہے۔

فنکار نے بتایا کہ اس نے ریگستان سے 150 ٹرک بھر کر ریت منگوائی گئی جو مختلف شیڈز کی تھیں۔ اس کے علاوہ دن رات کی محبت کے بعد اسے تراشنے میں مکمل 30 روز لگے ہیں۔