پاکستان کے نامور اداکار اور ہدایتکار یاسر حسین نے کہا ہے کہ قائداعظم کے بنائے گئے اس ملک میں انصاف سب کا حق ہے۔

نور مقدم کیس کے فیصلے کے بعد یاسر حسین نے اس حوالے سے ایک پوسٹ جاری کی ہے۔

 یاسر حسین نے اپنے پوسٹ میں کہا ہے کہ ’قائد آپ کے بنوائے ہوئے اس ملک میں آج ایک صحیح فیصلہ ہوا ہے۔

 انہوں نے اپنے پوسٹ میں لکھا ہے کہ انصاف سب کا حق ہے اور سب کو انصاف ملنا چاہیئے۔

 یاسر حسین نے کہا ہے کہ امید ہے کہ آج کہ اس فیصلے پر عملدرآمد بھی ہو۔

خیال رہے کہ نور مقدم قتل کیس کا فیصلہ آج سنایا گیا ہے جس میں ملزم ظاہر جعفر کو سزائے موت کی سزا سنائی گئی ہے۔

 اس کیس کے فیصلے پر پاکستانی شوبز شخصیات نے بھی اپنے خیالات کا اظہار کرتے ہوئے ردعمل پیش کیا ہے۔

 اداکارہ صبور علی نے نور مقدم کی خوبصورت سی تصویر شیئر کرتے ہوئے لکھا ہے کہ آخرکار انصاف مل ہی گیا اور امید ہے کہ آگے بھی اسی طرح انصاف ملے گا۔