بھارت کے تعلیمی اداروں میں مسلم طالبات پر حجاب نہ پہننے کی پابندی کے خلاف سخت احتجاج کے بعد بھارتی پولیس نے تین شہروں کا محاصرہ کر لیا۔

ہائی کورٹ نے حجاب تنازع پر زیر التواء درخواست پر ایک عبوری حکم جاری کرتے ہوئے ریاست کے تمام تعلیمی اداروں میں ہر قسم کے مذہبی پہناوے پر پابندی عائد کر دی ہے۔

عبوری حکم  کے مطابق مدھیہ پردیش کے تمام تعلیمی اداروں میں طالبات کو حجاب، زعفرانی شال ، گلے کا رومال یا کسی بھی قسم کا حجاب پہننے سے روک دیا ہے۔

کالج کے احاطے اور کلاس رومز میں مسلم طلباء کے حجاب پہننے کے مطالبے پر تنازع کے درمیان جمعہ کو سیکورٹی فورسز نے کرناٹک کے تین شہروں کا محاصرہ کیا ہے۔

 اس دوران پولیس نے اُوڈپی، چتردرگا اور ڈوڈابلا پورہ میں فلیگ مارچ کیا۔ متاثرہ شہروں میں امن و امان برقرار رکھنے کے لیے فلیگ مارچ کا فیصلہ ایک ایسے وقت میں آیا ہے جب یہ معاملہ کرناٹک ہائی کورٹ میں زیر سماعت ہے اور عدالت نے کہا ہے کہ وہ پیر کو حجاب کی پابندیوں کو چیلنج کرنے والی عرضیوں پر دوبارہ غور کرے گی۔

اس درمیان، ہائی کورٹ نے حجاب تنازعہ سے متعلق زیر التواء درخواستوں پر ایک عبوری حکم جاری کیا ہے، جس میں ریاستی حکومت سے تعلیمی اداروں کو دوبارہ کھولنے کے ساتھ ساتھ طالبات کو کلاس روم کے اندر زعفرانی شال، گلے کا رومال، حجاب یا کسی بھی قسم کا حجاب پہننے سے روک دیا ہے۔

 مذہبی پرچم وغیرہ لے جانے کی بھی ممانعت کردی ہے۔ عدالت نے یہ بھی واضح کیا ہے کہ یہ حکم صرف ان اداروں پر لاگو ہوگا جہاں کالج ڈویلپمنٹ کمیٹی نے طلباء کے لیے ڈریس کوڈ یا یونیفارم نافذ کیا ہو۔