راولپنڈی میں بسنت پر ہوائی فائرنگ اور ڈور سے 10 افراد زخمی ہوگئے۔

راولپنڈی میں بسنت پر ہوائی فائرنگ اور ڈور سے زخمی ہونے والوں کی تعداد 10ہوگئی جب کہ اسکیم تھری کے قریب ڈھوک کالا خان میں 7 سالہ بچہ پتنگ پکڑتے ہوئے چھت سے کر جاں بحق ہوگیا۔

راولپنڈی میں پتنگ بازی اور ہوائی فائرنگ پر پابندی کے باوجود شہر بھر میں  بسنت منائی جا رہی ہے جس پر انتظامیہ حرکت میں آگئی۔

پولیس نے ڈرون اور دوربین کی مدد سے بلند عمارتوں کی چھتوں سے مانیٹرنگ شروع کر دی۔

ایس پی راولپنڈی بابر جاوید جوئیہ کو پتنگ بازی یا ہوائی فائرنگ کی صورت میں فوری اور مؤثر کارروائی کرنے کی بھی ہدایت کردی گئی۔

سی پی اوعمر سعید ملک کا کہنا ہے کہ پتنگ بازی اور ہوائی فائرنگ کو کسی صورت برداشت نہیں کیا جا سکتا، ملزمان کو گرفتار کر کے قانون کے کٹہرے میں کھڑا کیا جائے گا۔