عدالت نے اداکارہ وینا ملک کو آئندہ سماعت پر بچوں کو ان کے والد اسد خٹک سے ملاقات کرانے کی ہدایت کردی۔ 

تفصیلات کے مطابق راولپنڈی کی سول عدالت میں اداکارہ وینا ملک کی بچوں کی حوالگی  سے متعلق کیس کی سماعت ہوئی

سینئر سول جج راجہ فیصل رشید نے کیس کی سماعت کی۔

دورانِ سماعت اداکارہ وینا ملک نے بچوں کو والد سے ملاقات کے لیے پیش نہ کیا اور نہ ہی وینا ملک خود عدالت میں پیش ہوئیں۔

اسد خٹک کے وکیل نے عدالت کو بتایا کہ آج بچوں کا والد سے ملنے کا دن تھا لیکن بچوں کو عدالت میں نہیں لایا گیا۔

وکیل نے عدالت کے سامنے مؤقف پیش کیا کہ 2 ماہ ہو گئے ہیں والد اسد خٹک سے بچوں کی ملاقات نہیں کرائی گئی ہے۔

اسد خٹک کے وکیل نے عدالت کو یہ بھی بتایا کہ  ہر سماعت پر وینا ملک کی جانب سے کوئی بہانہ بنایا جاتا ہے۔

اداراکارہ  وینا ملک کے وکیل نے عدالت کو بتایا کہ ہم نے سپریم کورٹ میں کیس کو کراچی کی عدالت میں منتقل کرنے کی درخواست کر رکھی ہے۔

سماعت کے دوران سینئرسول جج نے ہدایت کی کہ اداکارہ وینا ملک آئندہ سماعت پر بچوں کوعدالت میں پیش کریں اور بچوں کی ان کے والد اسد خٹک سے ملاقات کرائی جائے۔

عدالت نے کیس کی سماعت دس مارچ تک ملتوی کر دی۔