چین کے دارالحکومت بیجنگ میں جاری سرمائی اولمپکس میں ناروے کے ایتھیلیٹس کی شاندار کارکردگی کی بدولت میڈل ٹیبل پر بالا دستی برقرار ہے۔

بین الاقوامی میڈیا کی خبروں کے مطابق ناروے 13 طلائی تمغوں کے ساتھ میڈل ٹیبل پر سب سے اوپر ہے۔

دوسرے نمبر پر جرمنی ہے جس کے طلائی تمغوں کی تعداد 10 ہے، امریکی ایتھیلیٹس کے 8 طلائی تمغوں نے اسے تیسری پوزیشن پر پہنچا دیا ہے۔

چینی ایتھیلیٹس نے بھی اپنے ملک کے کوششیں تیز کر دی ہیں اور جس کا نتیجہ 7 طلائی تمغوں کے ساتھ چوتھی پوزیشن کی صورت میں نکلا ہے۔

آسٹریلیا کے اسٹیون بریڈ ہیوری نے پہلی بار اپنے ملک کے لئے طلائی تمغہ حاصل کیا۔

مینز آئس ہاکی کے کوارٹر فائنل میں سلواکیہ نے امریکہ کو شکست دے کر سیمی فائنل میں جگہ بنائی۔

خواتین کی 15 سو میٹر شارٹ ٹریک اسکیٹنگ میں جمہوریہ کوریا کی شوئی من جیونگ نے اپنے اعزاز کا کامیاب دفاع کیا۔ اس کیٹیگری میں شوئی من جیونگ نے 2018 کے ونٹر اولمپکس میں طلائی تمغہ حاصل کیا تھا۔

ریلے اسکیٹنگ 5 ہزار میٹر کی کیٹیگری میں کینیڈا کے ایتھیلیٹ نے گولڈ میڈل پر قبضہ کیا۔ چین کے کیو گوانگو نے بھی اپنے ملک کے لئے  طلائی تمغہ حاصل کیا۔