پاک بحریہ کے سربراہ ایڈمرل محمد امجد خان نیازی نے  تیونس کا سرکاری دورہ کیا ہے۔

 ترجمان پاک بحریہ کے مطابق نیول چیف ایڈمرل محمد امجد خان نیازی نے تیونس کے وزیر برائے قومی دفاع، تیونسی بحریہ کے چیف آف اسٹاف اور دیگر عسکری حکام سے اہم ملاقاتیں کیں۔

ترجمان پاک بحریہ کا کہنا ہے کہ ملاقاتوں کے دوران باہمی دلچسپی کے پیشہ وارانہ امور اور دو طرفہ بحری تعاون پر تبادلہ خیال کیا گیا۔

میزبان حکام نے خطے میں بحری امن و استحکام کیلئے پاک بحریہ کی کاوشوں کو سراہا، نیول چیف نے دونوں ممالک کی مسلح افواج کے مابین روابط بڑھانے کی اہمیت پر زور دیا۔

ترجمان پاک بحریہ کا کہنا ہے کہ سربراہ پاک بحریہ کا تیونس کا یہ دورہ دونوں ممالک کے مابین تعلقات کو مزید فروغ دے گا۔