پاکستان رینجرز (سندھ) کے زیر اہتمام رینجرز شوٹنگ اینڈ سیڈل کلب ممبرز شوٹنگ چیمپئن شپ 2022کا انعقاد رینجرز شوٹنگ اینڈ سیڈل کلب کراچی میں کیا گیا۔

تفصیلات کے مطابق ممبرز شوٹنگ چیمپئن شپ کے مقابلے 28 سے 30 جنوری 2022تک جاری رہے جن میں مختلف کیٹگریز میں 90 شوٹرز نے حصہ لیا۔

فائنل مقابلوں کا انعقاد مورخہ 30 جنوری 2022 کو ہوا جس میں ڈی جی رینجرز (سندھ) میجر جنرل افتخار حسن چوہدری نے بطورِ مہمانِ خصوصی شرکت کی اور شوٹنگ مقابلوں میں نمایاں کارگردگی دکھانے والے کھلاڑیوں میں میڈلز اورشیلڈز تقسیم کیں۔

شوٹنگ چیمپئن شپ کی اختتامی تقریب میں کلب ممبرز کی فیملیز، بچوں اور رینجرز افسران نے شرکت کی۔

سندھ رینجرز کے ترجمان نے بتایا کہ شرکاء نے رینجرز کے شوٹنگ مقابلوں کے انعقاد کو خوب سراہا۔