پی آئی اے انتظامیہ کی جانب سے بڑا فیصلہ کیا گیا ہے۔

تفصیلات کے مطابق پی آئی اے ملازمین کے لیے نئی میڈیکل  پالیسی تیار کرلی گئی ہے، نئی میڈیکل پالیسی کے تحت ملازمین کو انشورنس کمپنی کے زریعے طبی سہولیات دینے کا فیصلہ کیا گیا ہے۔

گروپ ایک تا گروپ 12 تک کے ملازمین کے لیے طبی سہولیات کے لیے انشورنس کمپنی کو اخراجات کی نئی حد مقرر کی گئی ہے جبکہ پائلٹس اور فضائی میزبانوں کا علاج و میڈکل سہولیات سی اے اے رولز کے تحت جاری رکھنے کا فیصلہ کیا ہے۔

پالیسی کے مطابق گروپ ایک تار 4 کے ملازمین کے لئے سالانہ 10 لاکھ کی اسپتال کے اخراجات کی حد مقرر کی گئی ہے جبکہ گروپ پانچ تا 7 کے ملازمین کے لئے 12 لاکھ روپے تک کی اسپتال اخراجات کی حد مقرر کی گئی ہے۔

گروپ 8 اور 9 کے لیے سالانہ 15 لاکھ جبکہ گروپ 10 اور 11 کے لئے 20 لاکھ اور گروپ 12 کے افسران سالانہ 25 لاکھ روپے علاج معالجہ کے لیے حد مقرر کرنے کا فیصلہ کیا گیا ہے۔

واضح رہے کہ پی آئی اے ملازمین کو علاج معالجے کے حد سے زائد اسپتال اخراجات پر میڈیکل سروسز کے جی ایم کو درخواست دینا ہوگی۔