وزیراعظم عمران خان نے دورہ روس کے دوران دوسری جنگ عظیم کے سپاہیوں کی یادگار پرحاضری دی۔

 وزیراعظم نے دوسری جنگ عظیم کے سپاہیوں کی یادگار پر حاضری دی اور پھولوں کا گلدستہ بھی چڑھایا۔

وزیراعظم کے معاون خصوصی برائے سیاسی روابط شہباز گل نے سماجی رابطے کی ویب سائٹ ٹوئٹر پراس تقریب کی تصویر بھی شئیر کی۔

وزیراعظم عمران خان نے ماسکو میں Tomb of the Unknown Soldier پر پھول چڑھائے۔ pic.twitter.com/8doo99UnN0

Advertisement

— Dr. Shahbaz GiLL (@SHABAZGIL) February 24, 2022

واضح رہے کہ گزشتہ روز وزیراعظم عمران خان دورہ روس پرماسکو پہنچے تو روسی نائب وزیر خارجہ نے ائیرپورٹ پر ان کا پرتپاک استقبال کیا۔

یہ بھی پڑھیں: پاکستان کو روس سےمتعلق اپنے موقف سے آگاہ کردیا، امریکا

روسی مسلح افواج کے چاق و چوبند دستے نے انہیں سلامی دی، اس موقع پر دونوں ملکوں کے قومی ترانوں کی دھنیں بھی بجائی گئیں۔

وزیراعظم کا روسی صدر سے ملاقات کا شیڈول تبدیل

وزیراعظم عمران خان کی روس کے صدر پیوٹن سے ملاقات کا شیڈول تبدیل ہو گیا۔

 ذرائع کا بتانا ہے کہ وزیراعظم عمران خان کی روسی صدر سے ملاقات کا دورانیہ ایک گھنٹے سے بڑھا کر 3 گھنٹے کر دیا گیا ہے۔

ذرائع کا کہنا ہے کہ روس کے یوکرین پر حملے کے بعد وزیراعظم عمران خان اور روسی صدر پیوٹن کی ملاقات اہمیت اختیار کر گئی ہے۔

یہ بھی پڑھیں: روس کا یوکرائن میں فوجی آپریشن کا اعلان، اپنا دفاع کرینگے، یوکرائنی صدر

یہ بھی پڑھیں: سی این جی اسٹیشنز پھر بند کرنے کا اعلان