وزیراعظم عمران خان آج ایک روزہ دورے پر کوئٹہ پہنچیں گے۔

دورے کے دوران وزیراعظم گورنر بلوچستان، وزیراعلیٰ بلوچستان، وفاقی و صوبائی وزرا کے ہمراہ نوشکی جائیں گے، جہاں یادگار شہدا پر پھول چڑھائیں گے۔

وزیراعظم نوشکی میں ایف سی کے جوانوں سے خطاب کریں گے۔

وزیراعظم کو نوشکی کیمپ پر دہشتگردوں کے حملے کے حوالے سے بریفنگ بھی دی جائےگی۔

ذرائع کے مطابق وزیراعظم عمران خان کا 9 فروری کو فیصل آباد کا دورہ بھی متوقع ہے۔

وزیراعظم کے دورے کے سبب ایف ڈبلیو ایم سی کی جانب سے شہر کی صفائی ستھرائی کا کام شروع کردیا گیا۔

وزیر اعظم عمران خان بذریعہ ہیلی کاپٹر زرعی یونیورسٹی پہنچیں گے۔

وزیر اعظم یونیورسٹی کے آڈیٹوریم حال میں شہریوں کو صحت کارڈ تقسیم کریں گے، وزیر اعظم فیڈمک کے اجلاس سے خطاب بھی کریں گے۔

ذرائع کے مطابق ضلعی انتظامیہ کی جانب سے دورہ وزیر اعظم کے حوالے سے سیکیورٹی پلان مرتب کیا جارہا ہے۔