بالی وُڈ اداکار جتنی شہرت کماتے ہیں اتنا ہی پیسہ بھی بناتے ہیں، عالیہ بھٹ کتنی جائیداد کی مالکن ہیں اور وہ ایک فلم کا کتنا ماوضہ لیتی ہیں آیئے جانتے ہیں۔

بالی وڈ اداکارہ عالیہ بھٹ کی 20 ویں فلم آج ریلیز ہوئی ہے جس کا نام ‘گنگوبائی کاٹھیاواڑی’ عالیہ بھٹ کی یہ نئی فلم سنجے لیلا بھنسالی کی ہدایت کاری میں بنی ہے اور عالیہ اس فلم میں بولڈ لیڈی مافیا ‘گنگوبائی’ کے کردار میں نظر آئیں گی۔

 تاہم عالیہ کی یہ فلم ریلیز سے قبل ہی کافی تنازعات میں گھری ہوئی ہے۔

 گنگوبائی کے اہل خانہ نے دعویٰ کیا ہے کہ فلم میں گنگوبائی کی غلط تصویر پیش کی گئی ہے وہ کوئی توائف نہیں تھیں اس کے بعد سپریم کورٹ نے فلم بنانے والوں کو فلم کا نام تبدیل کرنے کا مشورہ بھی دیا ہے۔

 عالیہ کا کہنا ہے کہ انہیں تنازعات پر کوئی اعتراض نہیں ہے۔

آیئے عالیہ کے بارے میں کچھ دلچسپ باتیں جانتے ہیں

عالیہ کی پیدائش 15 مارچ 1993 کو ممبئی میں ہوئی، وہ فلمساز مہیش بھٹ اور اداکارہ سونی رازدان کی بیٹی ہیں، ان کے والد گجراتی اور والدہ جرمن ہیں جبکہ عالیہ کے پاس برطانوی شہریت ہے۔

عالیہ کی بڑی بہن شاہین ہیں، جبکہ اداکارہ پوجا بھٹ اور راہول بھٹ عالیہ کے سوتیلے بہن بھائی ہیں، عمران ہاشمی اور موہت سوری ان کے کزن ہیں جبکہ پروڈیوسر مکیش بھٹ عالیہ کے چچا ہیں۔

‎عالیہ بھٹ نے اپنے کیرئیر کا آغاز 2012 میں کرن جوہر کی فلم ‘اسٹوڈنٹ آف دی ایئر’ سے کیا تھا، اداکارہ نے اس فلم کے لیے 16 کلو وزن کم کیا تھا۔

‎عالیہ اب تک 20 فلموں میں کام کر چکی ہیں جن میں سے عالیہ 14 فلموں میں مرکزی کردار میں تھیں ‎عالیہ اور رنبیر 2017 سے ڈیٹنگ کر رہے ہیں اور جلدی شادی کرنے والے ہیں۔

عالیہ کی جائیداد کتنی ہے اور وہ ایک فلم کے کتنے پیسے لیتی ہیں؟

‎عالیہ بھٹ کی کل جائیداد 74 کروڑ ہے اور  وہ ایک فلم کے لیے تقریباً 15 کروڑ روپے لیتی ہیں جبکہ اداکارہ اشتہار میں کام کرنے کی فیس 1 سے 3 کروڑ تک ہے۔