پاکستان سپر لیگ سیزن 7 کے دوسرے مرحلے میں آج اسلام آباد یونائیٹڈ اور لاہور قلندر کے مابین ٹکراؤ ہو گا۔

انجری کے باعث میدان سے باہر اسلام آباد یونائیڈڈ کے کپتان شاداب خان کا آج کے میچ میں اترنے کا فیصلہ میڈیکل رپورٹ کی روشنی میں کیا جائے گا۔

شاداب خان کی ٹیم نے پی ایس ایل میں اب تک 8 میں سے 4 میچز میں کامیابی حاصل کی ہے۔

پی ایس ایل کے فائنل فور میں جگہ بنانے کی مہم کو آغاز ہونے ہی والا ہے ایسے میں اسلام آباد یونائیڈڈ کے کپتان شاداب خان کی فٹنس اور فارم دونوں کی ٹیم کو سخت ضروت ہے۔

اسلام آباد یونائیٹڈ کی ٹیم پی ایس ایل سیزن 7 میں کھلاڑیوں کی فارم کے حوالے سے مشکلات کا شکار ہے ، آصف علی جن کا کام ہی میچ فنش کرنا ہے وہ میچ فنش پرفارمنس دینے میں ناکام ہو چکے ہیں۔

مبصر خان اور دانش عزیز بھی اپنے پہلے میچ میں ٹیم انتظامیہ کی توقعات پر پورا اترنے میں ناکام نظر آئے۔

ٹیم کی کامیابی کا محور اعظم خان اور رحمان اللہ کے گرد گھوم رہا ہے، جبکہ فہیم اشرف اور لیام ڈاسن کی آل راؤنڈ کارکردگی ٹیم کی جیت میں اپنا کردار ادا کرنے کی کوشش کریں گے۔