بلاول بھٹو نے کہا ہے کہ حکومت کے خلاف تحریک عدم اعتماد ہمارا جمہوری ہتھیار ہے۔

چیئرمین پیپلزپارٹی بلاول بھٹو نے کہا ہے کہ عوام کو حقوق دلانے کے  مقصد اور جدوجہد کے لیے نکلے ہیں، پیپلزپارٹی کے مارچ کا جگہ جگہ استقبال تاریخی تھا۔

انہوں نے کہا کہ عوامی مارچ کامیاب رہے گا، تاریخی استقبال کرنے پر عوام کا مشکور ہوں، پیپلزپارٹی نے ہرآمر کا ڈٹ کر مقابلہ کیا، مہنگائی اور بے روزگاری کے خلاف عوام احتجاج کررہے ہیں۔

بلاول بھٹو نے کہا کہ صاف شفاف الیکشن کروا کرعوام کومشکل سے نکالیں گے، سلیکٹڈ کو بھگانا اور پاکستان کو بچانا ہے، سلیکٹڈ کوبھگانے کا وقت آگیا ہے۔

چیئرمین پیپلزپارٹی نے کہا کہ عوام کے حقوق کیلئے باہرنکلے ہیں، جیالوں نے ہردورکے آمرکا ڈٹ کرمقابلہ کیا۔

اس سے قبل ماتلی میں میڈیا سے بات کرتے ہوئے بلاول بھٹو زرداری نے کہا کہ 3 برسوں کے دوران مہنگائی میں تاریخی اضافہ ہوا ہے۔ تحریک عدم اعتماد ہمارا جمہوری ہتھیار ہے،کوشش ہے کہ عمران خان کے خلاف جلد تحریک عدم اعتماد لے کر آئیں۔