سعید غنی نے کہا ہے کہ حکومت رہی تو مہنگائی روز بڑھے گی۔

اپنے ایک بیان میں وزیر اطلاعات سندھ سعید غنی نے کہا کہ آج بھی پی ٹی آئی والے مخالفین پر غلیظ الزامات لگاتے ہیں۔

انہوں نے کہا کہ محسن بیگ کو تشدد کانشانہ بنایا گیا جبکہ ہر روز نئے مقدمات بھی بنائے جارہے ہیں۔

سعید غنی نے یہ بھی کہا کہ حکومت 60ارب روپے ہماری اور آپ کی جیب سے نکالے گی، ماضی میں ایسے اقدامات کی مثالیں نہیں ملتیں۔

وزیر اطلاعات سندھ کا کہنا تھا کہ پی ٹی آئی حکومت کے دور میں پیٹرول 160روپے فی لیٹر ہوچکا ہے، نااہل حکومت رہے گی تو پٹرول اور بجلی کی قیمتوں میں اضافہ ہوگا

انہوں نے یہ بھی کہا کہ حکومت نے خوشخبری سنائی ہے کہ مارچ میں بجلی مہنگی ہوگی، حکومت رہی تو مہنگائی روز بڑھےگی۔

ان کا کہنا تھا کہ ملکی تاریخ میں سب سے زیادہ جھوٹ پی ٹی آئی نے بولا، غلط خبر کو بنیاد بنا کر کسی کو بھی جیل میں ڈال سکتے ہیں۔

وزیر اطلاعات سندھ سعید غنی کا مزید کہنا تھا کہ پیپلزپارٹی کی حکومت آئی تو ملکی بحران پر قابو پالےگی، عوام 27فروری کو بلاول بھٹو کے لانگ مارچ کا ساتھ دیں۔