وفاقی وزیر صحت ڈاکٹر فیصل سلطان کا کہنا ہے کہ خیبرپختونخوا صحت کے شعبے میں دیگر صوبوں کو لیڈ کررہا ہے۔

تفصیلات کے مطابق وفاقی وزیر صحت ڈاکٹر فیصل سلطان ایک روزہ دورے پر  پشاور میں موجود ہیں ، صوبائی وزیر صحت اور وفاقی وزیر صحت آج مختلف مراکز صحت کا دورہ کرینگے۔

اسکے علاوہ آج نئی انتظامی و تعمیراتی اصلاحات کا جائزہ بھی لیا گیا جبکہ وفاقی وزیر صحت نے کے پی کے  محکمہ صحت میں کی جانیوالی اصلاحات کی تعریف بھی کی۔

 وفاقی وزیر صحت ڈاکٹر فیصل سلطان نے کہا کہ ابتدا میں اصلاحات کا نفاذ مشکل تھا، اب ثمرات آنا شروع ہوگئے ہیں۔

  ڈاکٹر  فیصل سلطان نے بتایا کہ خیبر پختونخوا صحت کے شعبے میں دیگر صوبوں کو لیڈ کررہا ، صحت کارڈ جیسے انقلابی اقدام پر تیمور سلیم جھگڑا کو داد دینی پڑیگی۔

وفاقی وزیر صحت نے بتایا کہ  آج ہم پورے ملک میں صحت کارڈ کو توسیع دے رہے ہیں۔

ترجمان محکمہ صحت  کا کہنا ہے کہ اس کے بعد دونوں وزرا ایم ٹی آئیز اور ثانوی درجے کے ہسپتالوں سمیت دیہی مراکز صحت کا دورہ بھی کرینگے۔

ترجمان محکمہ صحت نے مزید بتایا کہ وفاقی وزیر کو صحت میں کی جانیوالی اصلاحات پر بھی بریفنگ دی جائیگی۔