انڈین پریمئیر لیگ کی تاریخ میں تین مرتبہ ہیٹ ٹرک کا کارنامہ انجام دینے والے امیت مشرا کو بھی کوئی خریدار نہیں ملا۔

تجربہ کار لیگ اسپنر نے گزشتہ سیزن میں دہلی کیپیٹلزکی نمائندگی کی تھی، لیکن اس مرتبہ وہ کسی بھی فرنچائز کے اعتماد پر پورا نہ اتر سکے۔

انڈین پریمئیر لیگ کے میگا آکشن میں مجموعی طور پر 600 کھلاڑیوں کو بولی کے لئے پیش کیا گیا تھا، مگر فرنچائزز نے صرف 204 کھلاڑیوں پر بولی لگائی۔ باقی 396 کھلاڑیوں کو گھر کی راہ لینی پڑی۔

لیگ اسپنر امیت مشرا کی میگا آکشن میں 1.50 کروڑ روپے کی بنیادی قیمت رکھنی گئی تھی، مگر بدقسمتی سے وہ کسی بھی ٹیم کا حصہ نہ بن سکے۔

امیت مشرا کو امید تھی کہ انہیں دہلی کیپیٹلز کی ٹیم اپنے اسکواڈ کا حصہ بنائے گی لیکن ایسا نہ ہو سکا ، اس ناروا سلوک پر سوشل میڈیا پر امیت مشرا نے ڈھکے چھپے انداز میں شکایت کی۔

To one of the @IPL greats @MishiAmit we @DelhiCapitals would like to salute everything you have done for us over all these years and would love to have you back at DC in whatever capacity you see fit as your insights would be most valuable. Mishy bhai DC is yours for life

— Parth Jindal (@ParthJindal11) February 13, 2022

 نیلامی کے بعد دہلی کیپٹلز کے شریک مالک پارتھ جندل نے ٹویٹ کیا کہ یہ فرنچائزی زندگی بھر ان کے ساتھ ہے۔

 اسی کا جواب دیتے ہوئے دائیں ہاتھ کے لیگ بریک گیند باز مشرا نے اپنے آفیشل ٹویٹر ہینڈل پر لکھا : ‘ ٹیم کو میں نے جو خدمات دی ہیں ، اس کیلئے شکریہ پارتھ جندل ، حقیقت میں میں بہت خوش ہوں ، لیکن میں ابھی ختم نہیں ہوا ہوں ۔ میں ضرورت پڑنے پر دہلی کیپیٹلز سے جڑنے کیلئے تیار ہوں ۔