پاکستان سپر لیگ(پی ایس ایل) سیزن سیون کے چودھویں میچ میں اسلام آباد یانائیٹڈ نے کراچی کنگز کو با آسانی  42 رنز سے شکست دے دی ہے۔

تفصیلات کے مطابق کراچی میں کھیلے جارہے اس میچ میں اسلام آباد یانئیٹڈ نے ٹاس جیت کر پہلے بیٹنگ کا فیصلہ کیا ۔

اسلام آباد نے مقررہ 20 اوورز میں 6 وکٹوں کے نقصان پر 177 رنز بنائے ۔

یونائیٹڈ کی جانب سے پال اسٹریلنگ 39 رنز بنا کر نمایاں بیٹسمین رہے،کپتان شاداب خان نے 34 رنز بنائے،کولن منرو 33،ایلکس ہیلز 30 جبکہ اعظم خان نے 16 رنز بنائے۔

کراچی کنگز کی جانب سے کرس جورڈن نے 2 وکٹیں حاصل کیں جبکہ عثمان شنواری،عمید آصف،عماد وسیم اور محمد نبی نے 1،1 وکٹ حاصل کی۔

ہدف کے تعاقب میں کراچی کنگز مقررہ 20 اوورز میں 9 وکٹوں کے نقصان پر  135 رنز بنائے۔

کراچی کنگز کی بیٹنگ شروع سے ہی مشکلات کا شکار رہی،کپتان بابر اعظم نے 8 رنز بنائے،محمد نبی 47 رنز بنا کر ناقابل شکست رہے جبکہ صاحبزادہ فرحان 25 رنز بنا سکے۔

کراچی کنگز کے 7 کھلاڑی ڈبل فگر میں بھی داخل نہ ہو سکے۔

اسلام آباد یونائیٹڈ کی جانب سے کپتان شاداب خان نے 4 کھلاڑیوں کو پویلین کی راہ دکھائی جبکہ وقاص مقصود،حسن علی اور محمد وسیم جونیئر نے 1،1وکٹ حاصل کی۔