فضائی آلودگی کا سبب بننے والی گاڑیوں کے خلاف ملتان میں کارروائی کی گئی ہے۔

تفصیلات کے مطابق ڈویژن ایک ہفتے میں 252 گاڑیوں کو چیک کیا گیا جن میں سے 194 گاڑیاں ضبط، 3 لاکھ 27 ہزار روپے جرمانہ اور 6 مقدمات درج کیے گئے۔

ترجمان کمشنر کا کہنا ہے کہ سیکرٹری آر ٹی ایز، ٹریفک پولیس، محکمہ ماحولیات کی ٹیم مشترکہ کریک ڈاؤن کررہی ہیں۔

ترجمان کمشنر نے مزید کہا کہ نسل نو کو صاف ماحول کی فراہمی کیلئے فضائی آلودگی کا سدِباب ناگزیر ہے۔

فضائی آلودگی کیا ہے؟

فضائی آلودگی ہوا میں موجود وہ مادے یا ذرات ہوتے ہیں جو کہ انسانی سرگرمیوں کی بدولت فضا کا حصہ بنتے ہیں۔

فضائی آلودگی گیسوں کی زیادتی، زہریلی گیسوں، تابکاری شعاعوں، کیمیائی مادوں، ٹھوس ذرات، مائع قطرات، گرد و غبار اور دھویں وغیرہ کی وجہ سے پیدا ہوتی ہے اور یہ انسانی صحت اور ماحول دونوں کو نقصان پہنچانے کا باعث بنتے ہیں۔