خیبرپختونخوا فوڈ سیفٹی اتھارٹی کی جانب سے کامیاب کارروائی کی گئی ہے۔

تفصیلات کے مطابق فوڈ سیفٹی اتھارٹی نے   موٹر وے ٹول پلازہ پشاور کے قریب کارروائی کرتے ہوئے گاڑی سے دو مردہ جانور برآمد کرلیے ہیں۔

  فوڈ سیفٹی اتھارٹی کا کہنا ہے کہ دونوں جانوروں کو مرنے کے بعد زبح کیا گیا تھا جبکہ   مردہ جانوروں کو پشاور سے چارسدہ سپلائی کیا جارہا تھا۔

فوڈ سیفٹی اتھارٹی حکام نے بتایا کہ مردہ جانوروں کو ڈمپنگ پوائنٹ پر تلف کردیا گیا تھا جبکہ دیر لوئر اوڈیگرام میں چھاپے کے دوران بھی ایک مردہ گائے برآمد کی گئی ہے۔

 واضح رہے کہ واقعے میں ملوث ملزمان کو گرفتار کر کے سخت قانونی کاروائی کی جائیگی۔

یاد رہے کہ کچھ روز قبل بھی خیبرپختونخوا فوڈ سیفٹی اتھارٹی کی جانب سے صوبے کے مختلف علاقوں میں کارروائیاں کی گئی تھیں، جس کے نتیجے میں 300 کلو سے زائد باسی مچھلی برآمد کرکے  مالکان پر بھاری جرمانہ عائد کردیا گیا تھا۔