اے ایس ایف نے پشاور ایئر پورٹ پر کارروائی کی ہے۔

ترجمان ایئرپورٹس سیکیورٹی فورس ( اے ایس ایف ) کا کہنا ہے کہ ہم نے کرنسی اسمگلنگ کی ایک اور کوشش ناکام بنا دی ہے۔

اے ایس ایف کے ترجمان کا کہنا ہے کہ اے ایس ایف کے عملے نے کارروائی کرکے شارجہ جانے والے مسافر  سے ایک لاکھ 20 ہزار سعودی ریال برآمد کرلیے ہیں۔

مسافر بخت محمد نے کرنسی  بیگ کے اندر رکھی جیکٹ میں چھپا رکھی تھی ،  اے ایس ایف کے عملے نے سامان کی تلاشی کے دوران  کرنسی برآمد کر کے منی لانڈرنگ کی کوششں ناکام بنا دی۔

ترجمان اے ایس ایف کا کہنا ہے کہ پکڑی گئی غیر ملکی کرنسی  کی مالیت مقامی کرنسی میں 56 لاکھ روپے سے زائد ہے۔

واضح رہے کہ ملزم کو ابتدائی تفتیش کے بعد برآمد شدہ رقم سمیت مزید کارروائی کے لئے ایف آئی اے کے حوالے کر دیا ہے۔