شوز فیکٹری کے ایک یونٹ میں آگ لگنے کے باعث 15 مزدور جھلس گئے۔

تفصیلات کے مطابق شیخوپورہ میں شوز فیکٹری کے ایک یونٹ میں آگ لگ گئی ہے۔

ریسکیو 1122 نے موقع پر پہنچ کر آگ پر قابو پانے کا عمل شروع کر دیا جبکہ ابتدائی اطلاعات کے مطابق 15 کے قریب مزدور جھلس گئے ہیں۔

دوسری جانب وزیراعلیٰ پنجاب سردار عثمان بزدار نے مرید کے میں جوتا ساز فیکٹری میں آتشزدگی سے مزدوروں کے جھلسنے کے واقعے کا نوٹس لے لیا ہے۔

انہوں نے آگ سے جھلسنے والے مزدوروں کو علاج معالجے کی بہترین سہولتیں فراہم کرنے کی ہدایت کی ہے۔

عثمان بزدار نے ڈپٹی کمشنر شیخوپورہ سے فیکٹری میں آتشزدگی کی وجوہات کا تعین کرکے رپورٹ پیش کرنے کی ہدایت کی ہے۔