ایرانی اسلامی انقلاب کے تینتالیس برس مکمل ہو گئے ہیں۔اس موقع پر لوگ اپنی گاڑیوں اور موٹر سائیکلوں پر سوار ہو کر اسلامی انقلاب کی سالگرہ کی خوشی میں سڑکوں پر نکل آئے اور اپنے جذبات کا اظہار کیا۔

ایران آج اسلامی انقلاب کی تینتالیسویں سالگرہ منا رہا ہے۔ تینتالیس برس قبل ایران کو فوجی آمررضا شاہ پہلوی کے خلاف عوامی مظاہروں میں کامیابی گیارہ فروری سن 1979ء کو ملی تھی۔

ایرانی دارالحکومت سمیت کئی دوسرے شہروں میں ایرانی لوگ اپنی گاڑیوں اور موٹر سائیکلوں پر سوار ہو کر اسلامی انقلاب کی سالگرہ کی خوشی میں سڑکوں پر نکل آئے اور اپنے جذبات کا اظہار کرتے رہے۔

گزشتہ برس کی طرح اس سال بھی پیدل چلنے والوں کی تعداد کورونا وبا کی وجہ سے بہت کم رہی۔

تہران کے آزادی چوک کے علاوہ دارالحکومت کی قریب موجود افراد اہم شاہراؤں اور سڑکوں پر بے شمار ایرانی شہری گاڑیوں اور موٹر سائیکلوں میں سوار ہو کر ملکی جھنڈے لہراتے پھر رہے ہیں۔ ان افراد نے ایسے پلے کارڈز بھی اٹھائے ہوئے ہین جن پر ”اسرائیل مردہ باد اور امریکا مردہ باد‘‘ کے نعرے درج ہیں۔

یہ امر اہم ہے کہ سن 1979 میں سات جنوری سے شروع ہونے والے عوامی مظاہروں اور شدید احتجاج کے سلسلے نے ایک مہینہ اور چار دن کے بعد گیارہ فروری کو مغرب نواز بادشاہ رضا شاہ پہلوی کی حکومت کو ہمیشہ ہمیشہ کے لیے لپیٹ دیا تھا۔

ان مظاہروں میں لگ بھگ دو سے تین ہزار ایرانی افراد ڈکٹیٹر بادشاہ کی کارروائیوں میں مارے گئے تھے۔

واضح رہے،  تہران حکومت عالمی طاقتوں کے ساتھ اپنی جوہری ڈیل کی بحالی کے مذاکرات جاری رکھے ہوئے ہے۔ اس جوہری ڈیل سے قریب چار برس قبل سن 2018 میں سابق امریکی صدر ڈونلڈ ٹرمپ نے یک طرفہ طور پر علیحدگی اختیار کر لی تھی اور اس کے بعد ایران پر انتہائی سخت اقتصادی پابندیوں کا نفاذ بھی کر دیا گیا تھا۔

آسٹریا کے شہر ویانا میں جاری مذاکراتی سلسلے کے حوالے سے دو روز قبل بدھ کو وائٹ ہاؤس کی پریس سیکریٹری جین ساکی نے ایسا اشارہ دیا تھا کہ جوہری ڈیل کی بحالی کا امکان ہے۔

انھوں نے واضح کیا تھا کہ فریقین اگر اگلے ہفتوں میں جوہری ڈیل کی بحالی کے کسی معاہدے پر نہیں پہنچتے تو امریکا کا اس سلسلے میں دوبارہ شمولیت اختیار کرنا ممکن نہیں ہو گا۔

یاد رہے، ایران میں کورونا کے باعث معاشی صورتحال کافی تشویشناک ہے۔