سابق صدر آصف علی زرداری امیر جماعت اسلامی سراج الحق سے ملاقات کے لیے منصورہ پہنچ گئے ہیں۔

تفصیلات کے مطابق پارلیمنٹ میں جماعت اسلامی کا ایک ووٹ اہمیت اختیار کر گیا، جماعت اسلامی کس کو ووٹ دے گی فیصلہ سراج الحق آصف زرداری سے ملاقات کے بعد کریں گے۔

ذرائع کا کہنا ہے کہ آصف علی زرداری جماعت اسلامی سے تحریک عدم اعتماد پر حمایت مانگیں گے، جماعت اسلامی اور پیپلز پارٹی کے درمیان ون نکاتی ایجنڈا پارلیمنٹ میں ایک ووٹ کی حمایت ہے۔

ذرائع کے مطابق ملاقات میں حکومت کے خلاف فیصلہ کن تحریک اور لانگ مارچ سمیت موجودہ سیاسی صورت حال پر مشاورت کی جائے گی۔