فرخ حبیب نے کہا ہے کہ مودی کا سیاہ چہرہ دنیا کے سامنےعیاں ہوچکا ہے۔

وزیرمملکت فرخ حبیب نے کہا ہے کہ مودی کا سیاہ چہرہ دنیا کے سامنےعیاں ہوچکا ہے ، کشمیریوں کی تکالیف کو پورا پاکستان محسوس کرتا ہے۔

انہوں نے کہا کہ مقبوضہ کشمیر میں اجتماعی قبروں کا انکشاف ہورہا ہے ، اوور سیزپاکستانی مسئلہ کشمیرکو ہمیشہ اجاگرکرتے ہیں ، کشمیریوں پر ظلم و ستم کے پہاڑ توڑے گئے۔

فرخ حبیب نے کہا ہے کہ برہان وانی جیسے تحریک آزادی کے کارکنوں کو شہید کیاگیا ، کشمیریوں کی نسل کشی کی جارہی ہے ، مسئلہ کشمیر دوبارہ ابھر کردنیا کے سامنے آیا۔

واضح رہے کہ پاکستان سمیت دنیا بھر میں آج مقبوضہ کشمیریوں کے حق خود اردیت کی حمایت میں یوم یکجہتی کشمیر منایا جارہا ہے۔

کشمیریوں کے حق خود ارادیت کی حمایت اور بھارتی قابض فوج کے مظالم کے خلاف ملک سمیت دنیا بھر میں پاکستانی آج یوم یکجہتی کشمیر منارہے ہیں۔

یوم یکجہتی کشمیر کی مناسبت سے ملک بھر میں سماجی ، سیاسی اور مذہبی تنظیموں کی جانب سے خصوصی ریلیوں، جلسوں، احتجاجی مظاہروں اور سیمینارز کا انعقاد کیا جارہا ہے۔