حیدرآباد: پیپلزپارٹی کے لانگ مارچ سے قبل سندھ حکومت نے شہر کے نکاسی آب کا نظام بہتر بنانے لئے اہم اقدام کا فیصلہ کر لیا۔

 سندھ حکومت نے 3 ایگزیکیٹو انجیئرز اور 6 اسسٹنٹ انجیئنرز کی خدمات ایچ ڈی اے کو سونپ دیں۔

انجینئرز کی خدمات ڈی جی ایچ ڈی اے سہیل الیاس کی سفارش پر حوالے کی گئیں۔

یہ بھی پڑھیں: تحریک عدم اعتماد عوام کی خواہش پر لا رہے ہیں، شہباز شریف

 ایچ ڈی اے میں تعینات ہونیوالے انجینئرز میں گریڈ 18 کے تین جبکہ گریڈ 17 کے پانچ افسران شامل ہیں۔

 واسا میں کئی سالوں سے نان ٹیکنیکل افسران انجینئرز کے عہدوں پر تعینات تھے۔ نان ٹیکنیکل افسران کی نااہلی کے باعث شہر کا نکاسی آب کا نظام مفلوج ہونا معمول بن چکا ہے۔

  یہ بھی پڑھیں: سندھ حکومت گھبراہٹ کا شکار ہے، علی زیدی

 پیپلزپارٹی مارچ کے روٹ میں شامل شاہراہیں بھی نکاسی آب کی زد میں رہتی ہیں، واسا میں نان ٹیکنکل افسران و ملازمین کی تعیناتی سے ادارہ شدید انتظامی بحران کا شکار تھا۔

 واسا میں ماہانہ کروڑوں کے اخراجات کے باوجود عملی کارکردگی صفر تھی۔