کراچی کے مختلف علاقوں میں بارش کے پانی  کے باعث ٹریفک جام ہوگیا۔

کراچی کے علاقوں ناظم آباد ، نارتھ ناظم آباد ، گلشن اقبال ، حسن اسکوائر ، جیل روڈ ، صدر آئی آئی چندریگر روڈ اور اطراف، شارعِ فیصل، پرانی سبزی منڈی، پی ای سی ایچ سوسائٹی، بہادر آباد، شہید ملت، گلشنِ اقبال سمیت مختلف علاقوں میں تیز بارش اور بوندا باندی ہوئی بارش کے بعد کئی علاقوں میں پانی جمع ہونے سے ٹریفک جام ہوگیا۔

تیز بارش کے باعث شہر کے نشیبی علاقے اور سڑکیں زیر آب آگئی، جس سے مسافروں کو نقل و حرکت میں مشکلات کا سامنا کرنا پڑا۔

کراچی میں بارش، کے الیکٹرک نے الرٹ جاری کردیا

ترجمان کے الیکٹرک نے کہا ہے کہ شہرقائد کے مختلف علاقوں سے بارش کی اطلاعات ہیں بارش کے موسم میں شہری برقی آلات کے استعمال میں خصوصی  احتیاط کریں۔

  ترجمان کے الیکٹرک کے مطابق بارش اور کھڑے پانی میں موٹر جیسے برقی آلات کا غیر محفوظ استعمال حادثات کا سبب بن سکتا ہے اس لیے نشیبی علاقوں میں پانی جمع ہونے کے سبب حفاظتی اقدامات کے تحت  عارضی طور بجلی بند کی جاسکتی ہے۔

یہ بھی پڑھیں؛ کراچی میں بوندا باندی، موسم خوشگوار

ترجمان کا کہنا ہے کہ غیر قانونی ذرائع سے بجلی کا حصول اور کنڈے  جان لیوا حادثات کا سبب بنتے ہیں، شہری ٹوٹے ہوئے تاروں،  ٹی وی انٹر نیٹ کیبلز، بجلی کے کھمبوں اور پی ایم ٹیز سے دور رہیں۔

ترجمان کے الیکٹرک نے بتایا کہ کے الیکٹرک صورتحال کا جائزہ لے رہا ہے اور فیلڈ اسٹاف الرٹ پر ہے جبکہ شہری شکایت کی صورت میں 118 کال سینٹر، 8119 پر ایس  ایم ایس یا کے الیکٹرک سوشل میڈیا پلیٹ فورم پر رابطہ کیا جاسکتا ہے۔

واضح رہے کہ کراچی کے مضتلف علاقوں میں بوندا باندی ہورہی ہے جو شام تک جاری رہنے کا امکان ہے۔