محمد علی سیف نے کہا ہے کہ کبھی نہیں کہونگا کہ حکومت آئیڈل انداز میں کام کر رہی ہے۔

وزیراعلیٰ خیبر پختونخوا کے معاون حصوصی برائے اطلاعات محمد علی سیف نے میڈیا سے گفتگو کرتے ہوئے کہا ہے کہ سرکاری شعبوں میں اصلاحات لانی ہیں۔

انہوں نے کہا کہ بچوں کے حقوق کے تحفظ کے لئے قانون سازی میں میڈیا تعاون کرے ، اگر ایک بچہ بھی بنیادی انسانی حقوق سے محروم ہوا تو سمجھیں کہ ہم نے ذمہ داری پوری نہیں کی۔

محمد علی سیف نے کہا کہ خیبر ٹیچنگ اسپتال کے باہر نشئی افراد بیٹھتے ہیں ، نشئی افراد کو دیکھ کر افسوس ہوا ، اللہ ہم سے اس بارے پوچھیں گے ، بچوں کے حقوق پورے کرنا ہم سب کی ذمہ داری ہے۔

وزیراعلیٰ خیبر پختونخوا کے معاون حصوصی برائے اطلاعات نے کہا کہ بچوں کے حقوق سے متعلق قانون سازی ضروری ہے ، زینب الرٹ بل کا قانون ہم نے پاس کیا تھا ، ورکشاپس میں بچے لیبر کا کام کرتے ہیں جو قانون کی خلاف ورزی ہے۔

انہوں نے کہا کہ ورکشاپس میں کام کرنے والے بدقسمتی سے بعض بچے خاندان کے کفیل ہوتے ہیں ، کبھی نہیں کہونگا کہ حکومت آئیڈل انداز میں کام کر رہی ہے۔