رہنما جماعت اسلامی احمد سلمان بلوچ کا کہنا ہے کہ لاہور قلندر کی سات سال بعد جیت بھی یوتھ کیلئے ایک سبق سے کم نہیں۔

تفصیلات کے مطابق جماعت اسلامی لاہور نے لاہور قلندر کی پی ایس ایل میں سات سال بعد جیت کی خوشی بھی نئے انداز میں منائی ہے۔

رہنما جماعت اسلامی احمد سلمان بلوچ نے لاہور قلندر کی جیت پر ملتانی سوہن حلوہ تقسیم کیا اور کہا کہ سارے شہر ساری ٹیمیں پیاری ہیں لیکن لاہور شہر نہیں طلسم ہے۔

 احمد سلمان بلوچ نے کہا کہ شہر کی رونقیں لاہور قلندر کی جیت کے ساتھ بحال ہوتے دیکھتے خوشی ہوئی ہے، لاہور قلندر کی سات سال بعد جیت بھی یوتھ کیلئے ایک سبق سے کم نہیں ہے۔

انہوں نے مزید  کہا کہ مایوس کبھی نہیں ہونا مسلسل محنت ایک دن رنگ ضرور لاتی ہے۔