پاکستان سمیت بھارت میں بھی یکساں مقبول اداکار و گلوکار عاطف اسلم نے لیجنڈری اداکارہ لتا منگیشکر کو خراج عقیدت پیش کیا ہے۔

عاطف اسلم نے ایک ویڈیو جاری کی جس میں انہیں معروف گانا نام گُم جائے گا اپنی سُریلی آواز میں گاتے سُنا جاسکتا ہے۔

وقت کے ستم کم حسیں نہیں

آج ہیں یہاں کل کہیں نہیں

وقت سے پرے اگر مل گئے کہیں

نام گُم جائے گا چہرہ یہ بدل جائے گا

میری آواز ہی پہچان ہے، گر یاد رہے

انہوں نے لکھا کہ لتا جی آپ ہمارے دلوں میں ہمیشہ زندہ رہیں گی۔

لتا منگیشکر کا یہ گانا اس وقت کے مقبول ترین گانوں میں شمار ہوتا تھا۔

خیال رہے کہ  گزشتہ ماہ کورونا اور نمونیا کی تشخیص کے بعد لیجنڈری گلوکارہ لتا منگیشکر کو فوری طور پر اسپتال منتقل کیا گیا تھا۔

 جس کے بعد انہیں 20 روز تک وینٹیلیٹر پر رکھا گیا تھا تاہم طعبیت میں سدھار کی  وجہ سے انہیں آئی سی یو منتقل کردیا تھا۔

 بعدازاں ان کی طعبیت میں اچانک بگاڑ پیدا ہوگیا تھا جس کی وجہ سے انہیں ایک بار پھر وینٹیلیٹر پر منتقل کیا گیا تھا  لیکن ان کی طعبیت سنبھل نہ سکی اور وہ 92 سال کی عمر میں انتقال کرگئیں۔