کرپٹو کرنسی ایک ایسا ڈیجیٹل اثاثہ ہے جو تمام تر رکاوٹوں اور قانونی پابندیوں کے باوجود تقریبا دنیا کے ہر خطے میں پہنچ چکا ہے۔

کچھ ممالک میں کرپٹو کرنسی میں لین دین کو قانونی قرار دے دیا گیا ہے جب کہ کچھ ممالک میں اس کی ٹرانزیکشن اور مائننگ تک پر سخت پابندیاں عائد ہیں۔

کسی حکومتی سرپرستی اور کسی ایک ملک کی ملکیت نہ ہونے کی وجہ سے اس کی قیمتوں میں اتار چڑھاؤ غیر یقینی ہے۔ یہ کرنسی کسی کو ایک لمحے میں کروڑ پتی بنادیتی ہیں تو اگے ہی لمحے اس کا دیولایہ بھی نکال سکتی ہے۔

یہ بھی پڑھیں : شمالی کوریا چوری کی کرپٹو کرنسی سے میزائل تجربات کر رہا ہے، اقوام متحدہ

دنیا بھر میں اس کے لین دین  میں اضافے، این ایف ٹی ( نان فنجائی ایبل ٹوکن) کے ذریعے نیلامی اور ایلون مسک، جیف بیزوز، فیس بک سمیت دیگر بہت سے بڑے اداروں کی اس میں دلچسپی دیکھتے ہوئے یورپی یونین کے فنانشل اسٹیبلیٹی بورڈ نے فنانشنل مارکیٹ کو ڈیجیٹلائزیشن کے ذریعے اپنی گرفت میں لینے کی کوشیشں شروع کردی ہیں۔

ریگولیٹرز، مرکزی بینکوں اور جی 20 معیشتوں کے وزرائے خزانہ پر مشتمل ایف ایس بی گرپ کے ارکان اس بات پر سر جوڑ کر بیٹھے ہوئے ہیں کہ بٹ کوائن اور اسٹیبل کوائنز جیسے کرپٹو کرنسی اثاثوں کے ساتھ کیا کیا جائے۔

ان ڈیجیٹل اثاثوں کو دنیا بھر میں مختلف برتاؤ کا سامنا ہے کہیں اس پر پابندی ہے تو کہیں  بین الاقوامی کمپنیاں بھی اس میں تجارت کر رہی ہیں۔

فنانشل اسٹیبلیٹی بورڈ کے رکن اور فرانسیسی مارکیٹ کے واچ ڈاگ اے ایم ایف کے چیئر مین رابرٹ اوہیلے کا کہنا ہے کہ یورپی یونین کرپٹو کرنسی کو مجاز کرنے اور کرپٹو کرنسی اثاثوں کی مارکیٹ کے شراکت داروں کی نگرانی کے لیے جامع معیارات کی منظوری دینے والا ہے۔

انہوں نے مزید کہا کہ ریگولیٹرز یکساں خطرے کو کور کرنے کے لیے یکساں قوانین کے یونیورسل بیسک پرنسپل کو فالو کر رہے ہیں۔

رابرٹ اوہیلے کا کہنا ہے کہ کرپٹو کرنسی اثاثے ابھی تک معاشی عدم استحکام کے لیے خطرہ نہیں ہیں اور یہی بات ہمارے ایجنڈے میں سرفہرست ہے۔