مریم اورنگزیب کا کہنا ہےکہ عمران صاحب کی تقریر سے لگتا ہے کہ اُن کے گھبرانے اور عوام کے سکون کے دن قریب آ گئے ہیں۔

پاکستان مسلم لیگ (ن) کی ترجمان مریم اورنگزیب نے وزیراعظم عمران خان کی حالیہ تقریر کو عدم اعتماد کی تحریک کی کامیابی کا اعلان قرار دے دیا۔

انہوں نے کہاکہ عمران صاحب کی تقریر دراصل نوکری کی ایکسٹینشن کے لئے ترلے اور منتیں تھیں۔

ترجمان مسلم لیگ ن کا کہنا ہےکہ عمران صاحب آپ کے گھر کی کرپشن کےاعمال نامے جلد عوام کے سامنے آنے والے ہیں،عمران صاحب اور ان کے ٹاوٹوں کی چوریاں اور لوٹ مار سامنے آچکی ہے، اب ان مقدمات کی سماعت ہوگی۔

انہوں نے کہاکہ وفاق اور پنجاب میں عمران صاحب نے بھتہ خوری کا جو بازار گرم کیا ہوا ہے، اب اس کا حساب دینا ہوگا۔

یہ بھی پڑھیں: تین سال سے سن رہا ہوں کہ میں آج گیا، کل گیا، انھیں صرف میرا خوف، عمران خان

مسلم لیگی رہنما مریم اورنگزیب نے کہاکہ طاقتور کو قانون کے نیچے لانے کےلئے آپ جیسے ڈاکو اور مافیاز کی سرپرست کو سزا ملنے کا وقت آگیا ہے۔

 ان کا مزید کہنا تھا کہ ٹرانسپرنسی انٹرنیشنل نے آپ کی کرپشن کا اعمال نامہ جاری کردیا ہے، اسے پڑھیں اور شرم کریں۔