آسٹریلیا کے سابق رگبی کھلاڑی جیریڈ ہین کی جنسی ہراسگی کیس میں کورٹ نے نظر ثانی کی اپیل منظور کر لی ہے۔

جیریڈ ہین پر ایک 26 سالہ خاتون نے الزام لگایا تھا کہ رگبی لیگ کے کھلاڑی جیریڈ نے اپنے نیو ساؤتھ ویلز کے گھر میں جنسی طور پر ہراساں کیا تھا۔

جنسی ہراسگی کے کیس میں جیریڈ ہین کو عدالت نے گزشتہ سال مئی میں پانچ سال کے لئے جیل کی سزا سنائی تھی۔

غیر ملکی خبر رساں اداے کے مطابق جیریڈ ہین کی فوجداری اپیل پر عدالت نے نو ماہ کے بعد دوبارہ مقدمہ چلانے کا حکم دے دیا ہے۔

 لیکن ریاست کی فوجداری اپیل کی عدالت نے ان کی سزاؤں کو رد کر دیا ہے اور دوبارہ مقدمہ چلانے کا حکم دیا ہے۔

خاتون کے وکیل نے کہا تھا کہ میری موکلا کو جیریڈ ہین نے اپنی خواب گاہ میں جنسی طور پر ہراساں کیا اور انہیں دو زخم بھی آئے۔

جیریڈ ہین نے اپنے اوپر لگنے والے الزامات کی سختی سے تردید کی اور کہا کہ خاتون کو لگنے والی چوٹ ایک اتفاقیہ حادثہ تھی۔

واضح رہے کہ مشہور رگبی کھلاڑی جیریڈ ہین سب سے زیادہ ہائی پروفائل ایتھیلیٹس میں سے ایک تھے ، ان کا نام ریپ کیس میں آنے کے بعد آسٹریلیا میں شدید بحث ہوئی تھی۔