امریکا نے پاکستان کو روس سے متعلق اپنی پوزیشن کے بارے میں آگاہ کردیا۔

ترجمان امریکی محکمہ خارجہ نیڈ پرائس نے پاکستان کے ساتھ شراکت داری کو اہم قرار دیتے ہوئے کہا کہ پاکستان کے ساتھ دیرینہ شراکت داری اور تعاون ہے جب کہ جمہوری پاکستان امریکی مفادات کے لیے اہم سمجھتے ہیں۔

وزیراعظم عمران خان کے روس کے سرکاری دورے کے حوالے سے امریکی محکمہ خارجہ کے ترجمان نے کہا کہ پاکستان کو روس سے متعلق اپنی پوزیشن کے بارے میں آگاہ کیا ہے اور ہر ذمہ دار جمہوری ملک روس پر باور کرائے کہ عدم استحکام پھیلانے والی جنگ سے بچا جائے۔

یہ بھی پڑھیں؛ یوکرائن کی 11 ائیر بیسز سمیت 70 سے زائد فوجی تنصیبات تباہ، ترجمان روسی وزارت دفاع

 ترجمان امریکی محکمہ خارجہ نیڈ پرائس کا کہنا تھا کہ ہم سمجھتے ہیں کہ دنیا بھر کے ممالک پر یہ ذمہ داری عائد ہوتی ہے کہ وہ یوکرین کے بارے میں، جو کچھ پوٹن کے ذہن میں ہے، اس پر تشویش کا اظہار کرے اور اعتراضات اٹھائے۔

واضح رہے روسی صدر ولادی میر پوتن نے یوکرائن میں فوجی مہم کا اعلان کرتے ہوئے کہا کہ ہمارا مقصد شہریوں کا تحفظ کرنا ہے جب کہ روسی وزارت دفاع کی جانب سے یوکرائن کے 11 ائیر بیسز سمیت 70 سے زائد فوجی تنصیبات تباہ کرنے کا دعویٰ کیا گیا ہے۔