وزیر اعظم نے صحت کارڈ سے متعلق عوام میں شعور اجاگر کرنے کی ہدایت کردی۔

وزیر اعظم عمران خان سے وزیر اعلیٰ پنجاب سردارعثمان بزدار کے ہمراہ وزیر صحت پنجاب ڈاکٹریاسمین راشد نے ملاقات کی۔

اس اہم ملاقات میں پنجاب بھر میں نئے اسپتالوں کی تعمیر سے متعلق امور پر پرتبادلہ خیال کیا گیا۔

 وزیر اعظم عمران خان کو پنجاب میں نیا پاکستان قومی صحت کارڈ کی شاندار پذیرائی پر بھی بریفنگ دی گئی۔

یہ بھی پڑھیں: کورونا کی پانچویں لہر مزید 49 جانیں لے گئی

وزیراعظم عمران خان نے وزیر اعلیٰ پنجاب اور ڈاکٹر یاسمین راشد کو عوام کو صحت کی بہترین سہولیات کی فراہمی یقینی بنانے کے لیے تمام جاری منصوبوں پر عمل درآمد کو تیز کرنے کی ہدایت کی۔

وزیر اعظم نے مزید کہاکہ صحت کارڈ کے فوائد اور اس کے موثر استعمال کے بارے میں بھی عوام میں بھرپور شعور اجاگر کیا جائے۔

یہ بھی پڑھیں: حکومت نے آئی ایم ایف کی شرائط پر پیٹرولیم مصنوعات کی قیمتوں میں اضافہ کیا