فواد چوہدری نےکہا ہے کہ وفاقی حکومت آزادی اظہار اور آزادی صحافت پر مکمل یقین رکھتی ہے۔

  اپنے ایک بیان میں وزیر اطلاعات فواد چوہدری نے پاکستان فیڈرل یونین آف جرنلسٹس کے نومنتخب عہدیداروں کو مبارکباد دی ہے۔

انہوں نے کہا کہ جی ایم جمالی کو صدر، رانا عظیم کو سیکرٹری جنرل پی ایف یو جے منتخب ہونے پر مبارکباد پیش کرتا ہوں جبکہ رضوان غلزئی کو اسسٹنٹ جنرل سیکرٹری اور جمیل مرزا کو سیکرٹری فنانس منتخب ہونے پر بھی مبارکباد پیش کرتا ہوں۔

فواد چوہدری نے کہا کہ فرحت فاطمہ اور اسلم ڈوگر کو نائب صدور منتخب ہونے پر مبارکباد پیش کرتا ہوں۔

وزیر اطلاعات کا کہنا تھا کہ صحافیوں کے مسائل کے حل کے لیے موجودہ حکومت نے سب سے زیادہ اقدامات کئے، وفاقی حکومت آزادی اظہار اور آزادی صحافت پر مکمل یقین رکھتی ہے۔

فواد چوہدری نے کہا کہ امید ہے پی ایف یو جے کی نومنتخب قیادت آزادی صحافت اور صحافیوں کی فلاح و بہبود کے لیے کام کرے گی۔

وزیر اطلاعات فواد چوہدری کا مزید کہنا تھا کہ پی ایف یو جے کے ساتھ ملکر صحافیوں کے حقوق کے لیے قانون سازی مکمل کریں گے۔